Utar Jate Hyn Gulab Aahista Aahista

Utar Jate Hyn Gulab Aahista Aahista

Nazar Mein Utar Jate Hyn Gulab Aahista Aahista,

Mohabbat Ho Rahi Hy Be-Hijab Aahista Aahista,

Suna Hy Wo Kitabo’n Mein
Humara NAAM Likhte Hyn,

Tab Hi Tou Wo Bhi Parhty Hyn Kitab Aahista Aahista,

Nazro’n Se Jo Kehte Ho
Kabhi Tou Zuban Pr Lao,

Ye Bechainiya’n Barhti Ja Rahi Hyn Aahista Aahista

Dilo’n Mein Duuriya’n Hon
Tou Mohbbat Aur Barhti Hy
‘Wasi’

Samajh Aaye Ga Un Ko Ye Hisab Aahista Aahista

Kabhi Saaya Hai Kabh

Kabhi Saaya Hai Kabh

Kabhi saaya hai kabhi dhoop muqaddar mera
hota rehta hai yoon hi qarz baraabar mera

toot jaate hain kabhi mere kinaare mujh mein
doob jaata hai kabhi mujh mein samandar mera

kisi sehra mein bichhad jaayenge sab yaar mere
kisi jangal mein bhatak jaayega lashkar mera

bewafa tha to mujhe poochhne waale bhi na the
bewafa hoon to hua naam bhi ghar-ghar mera

kitne hanste hue mausam abhi aate lekin
ek hi dhoop ne kumhla diya manzar mera

aakhiri jur’a-e-pur kaif ho shaayad baaqi
ab jo chhalka to chhalak jaayega saagar mera