Kabhi Saaya Hai Kabh
Kabhi saaya hai kabhi dhoop muqaddar mera
hota rehta hai yoon hi qarz baraabar mera
hota rehta hai yoon hi qarz baraabar mera
toot jaate hain kabhi mere kinaare mujh mein
doob jaata hai kabhi mujh mein samandar mera
doob jaata hai kabhi mujh mein samandar mera
kisi sehra mein bichhad jaayenge sab yaar mere
kisi jangal mein bhatak jaayega lashkar mera
kisi jangal mein bhatak jaayega lashkar mera
bewafa tha to mujhe poochhne waale bhi na the
bewafa hoon to hua naam bhi ghar-ghar mera
bewafa hoon to hua naam bhi ghar-ghar mera
kitne hanste hue mausam abhi aate lekin
ek hi dhoop ne kumhla diya manzar mera
ek hi dhoop ne kumhla diya manzar mera
aakhiri jur’a-e-pur kaif ho shaayad baaqi
ab jo chhalka to chhalak jaayega saagar mera
ab jo chhalka to chhalak jaayega saagar mera